«الحاجة فايزة» وأبنائها
لا يغمض لها عين، تبذل من الجهد أضعاف ما تبذله امرأة في ريعان شبابها، تُكرّس حياتها وصحتها في خدمة أولادها الأربعة، وهم:«هشام، تامر، وائل، وخليفة» تتراح أعمارهم بين 25 و40 عامًا، جميعهم مصابون بالكهرباء الزائدة في المخ.
فايزة شبل، 59 عامًا، من أبناء قرية أبتوك بمركز شبراخيت التابعة إلى محافظة البحيرة، مات رفيق عمرها وزوجها قبل عدة سنوات، تاركا لها مسؤولية أكبر من سنها، إذ تراعي الـ4 أبناء وحدها دون أن يعينها قريب أو غريب، قائلة: «ولادي الأربعة ربنا رزقني بهم كلهم مصابين بمرض الكهرباء الزائدة الصرع، وأنا اللي بأكلهم وأشربهم، وكمان بدخلهم الحمام، وكلهم ماشاء الله كبروا وبقوا رجالة كبار بس لسه زي الأطفال، أنا اللي بعملهم كل حاجة عشان ظروفهم المرضية».
تحكي السيدة الخمسينية لـ«الوطن»، تفاصيل معاناتها في الحياة، قائلة: «تعبت وضهري انحنى، بس هعمل إيه، مش هرمي ضنايا ولحمي في الشارع، أنا بدعي ربنا يشفيهم ويديني القوة والصبر أني أقدر أخدمهم، ويمد في عمري مش عشاني، ولكن عشانهم دول من غيري يضيعوا ومفيش حد من قرايبنا بيسأل علينا أبدا»، فأبنائها الأربعة يعيشون في كنفها وبين أحضانها كأطفال صغار لا يزالون يحبون، فضحكاتهم وصريخهم يبدوا كأطفال صغار».
لاتتقاضى «فايزة» معاشا من وزارة التضامن الاجتماعي، ولا يوجد لها دخلا ثابتا، متابعة خلال حديثها: «مش بخليهم يخرجوا بره الشارع عشان بخاف عليهم وكل اللي هما عايزينه بجيبه أنا وهما يقعجوا في البيت، وأنا ماليش معاش ولكن ربنا بيرزقني من ولاد الحلال، والعلاج بتاعهم برضه ولاد الحلال هما اللي بيجيبوه، والأزاق دي بتاعت ربنا».
تتمنى الحاجة فايزة أن تعالح أولادها الأربعة على نفقة الدولة، أملًا في إيجاد مكان يناسب حالتهم الصحية.
تعليقات الفيسبوك