المطربة مروة نصر: طبيب كبير سبب إصابتي بقرحة في المعدة
مروة نصر
أبدت المطربة مروة نصر، شكواها، من أحد الأطباء، بعد تشخيصه لحالتها الصحية بشكلٍ خاطئ، الأمر الذي تسبب لها في إصابتها بقرحة في المعدة، والتهابات في المريء.
وكتبت "مروة" عبر حسابها الشخصي على موقع التواصل الاجتماعي "فيسبوك": "هو لما دكتور كبير ومشهور وليه اسمه وبياخد فلوس كتير ويتسبب لي في قرحة في المعدة ومشاكل كبيرة في المريء وجاب لي هو مستشفى ودكتور هو اللي اختاره بالاسم وهو بيعمل المنظار عشان مشغول مسافر يلاقي إن الدكتور الكبير هو اللي عمل لي مشاكل الأمعاء والمريء والقرحة في العملية الأولى ويكتب تقرير ضده ويختمه".
وتابعت: "يقول لي إن الدكتور المحترم اللي انقذ حياتي لأن الدكتور الكبير كان مسافر عنده سبوبة إنه كتب التقرير ده عشان بيكرهه وبيطيق العمى وميطقهوش"، موضحة بقولها: "مع العلم إن مساعد الدكتور الكبير كان موجود وأنه معندوش أي خطأ طبي طيب حضرتك اختارته ليه ولو بيكرهك هيشل مسؤولية بتقرير رسمي!".
وأضافت: "الكارثة بقى إنى دخلت في متاهة علاج ملهاش آخر.. وتعب وألم طول الوقت يعني معرفش زي أي إنسان أكل بره البيت لأن بعدها بتحصل مأساة.. المفروض أعمل إيه مع الدكتور الكبير؟ بعد ما اختفى من حياتي المرضية دوره خلص نسيت أقول إن الدكتور الكبير دخلني غرفة عمليات مرتين من غير تحاليل".