بريد الوطن| غلابة كتير
صورة أرشيفية
تلاتين وخمسة ورق والفضة نص جنيه
وصليب حديد ف الجيب مصلوب عليه عمره
رغم الوجع باين كان ماشى يضحك ليه
فاضل يومين وخلاص راح ينتهى شهره
يا هل ترى غمض ف اللحظة ديا عينيه
يا ريت ما كان فعلاً شاف ف الختام قدره
وف صورة تانية كمان أصعب من الأولى
حالة وفاة ولكن البنت مجهولة
افتحلهم جنتك من غير سؤال وحساب
فى إيدين هنا يا رب هى اللى مسئولة
يا رب جايلك حشد من ناس غلابة كتير
مسلم مسيحى يا رب والجمع والله غفير
افتح بيبان رحمتك يا رب وارضى الكل
خلى الملايكة تميل على جرحهم وتطل
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com